თბილისში, ორთაჭალის ტერიტორიაზე სამარშრუტო ტაქსების სამუშაო ხაზზე შეფერხებას ეხმაურება კომპანია „თბილისის მიკროავტობუსი“.
„მოგახსენებთ რომ 3 ივნისს დილის 06:00 საათზე კაიროს ქუჩაზე მდებარე თბილისის მიკროავტობუსების ავტოფარეხიდან სატრანსპორტო საშუალების სამუშაო ხაზებზე გასვლას შეექმნა პრობლემა. ადგილობრივმა მოსახლეობამ გასასვლელი ჩაკეტა კონკრეტული მოთხოვნების საფუძველზე, რომელიც არ უკავშირდება კომპანიის მუშაობას, ამ დროისთვის ავტოფარეხიდან მიკროავტობუსების გასასვლელი გათავისუფლებულია და სატრანსპორტო საშუალებების მოძრაობა აღდგენილია“ – ნათქვამია განცხადებაში.