თბილისში ტრანსგენდერ ქალს თავს დაესხნენ. შემთხვევა გუშინ, გვიან ღამით თამარ მეფის გამზირზე მოხდა.
არსებული ინფორმაციით, დაზარალებულმა საავადმყოფო უკვე დატოვა. როგორც ის აცხადებს, ორი უცნობი მამაკაცი თავს იმის გამო დაესხა, რომ ტრანსგენდერია.
შინაგან საქმეთა სამინისტროს ინფორმაციით, აღნიშნულზე მოკვლევა უკვე დაწყებულია. გამოძიება სისხლის სამართლის კოდექსის 125-ე მუხლით დაიწყო, რაც ცემას გულისხმობს.