თბილისში, მშვიდობის კათედრალში სენატორ ჯონ მაკკეინის პანაშვიდი მიმდინარეობს. ტაძარში ამერიკის დროშის გარდა, საქართველოსა და უკრაინის დროშებია გაშლილი.
ცერემონიას კიევის საპატრიარქოს არქიმანდრიტი კირიონ ინასარიძეც ესწრება.
საქართველოს ევანგელურ-ბაპტისტური ეკლესიის ეპისკოპოსის მალხაზ სონღულაშვილის განცხადებით, მაკკეინი ძვირფასია მსოფლიოში თავისუფლების მოყვარული ადამიანებისთვის.
“ის ყოველთვის იყო დამცირებულების, შევიწროებულების და გარიყულების გვერდით. მისი კვალი წარუშლელი იქნება პლანეტის უახლოეს ისტორიაში”, – აღნიშნა სონღულაშვილმა.