თბილისში, ვაჟა ფშაველას გამზირზე, საკანცელარიო მაღაზიის გაქურდვასთან დაკავშირებით შსს-მ გამოძიება დაიწყო. უწყების პრესსამსახურის ინფორმაციით, გამოძიება 177-ე მუხლით მიმდინარეობს, რაც ქურდობას გულისხმობს. როგორც ”თაიმერს” მაღაზიის მეპატრონემ განუცხადა, მძარცველებმა სალაროდან 300 ლარამდე თანხა წაიღეს. მისი თქმით, შემთხვევა მას შემდეგ მოხდა, რაც მან სამუშაო დრო დაასრულა და მაღაზია დაკეტა.