თბილისში პოლიეთილენის ბოთლების შემგროვებელი აპარატები დამონტაჟდება – ამის შესახებ თბილისის მერმა, კახა კალაძემ დედაქალაქის მთავრობის სხდომაზე განაცხადა.
კალაძის თქმით, იდეა პროექტის “შენი იდეა თბილისის მერს” ფარგლებში მოქალაქემ წარადგინა და მერია მას სიამოვნებით განახორციელებს:
“დავიწყეთ ამ იდეაზე მუშაობა და მისი განხორციელება. გვინდა, კერძო სექტორთან თანამშრომლობით, ვისაც გადამუშავებაში ჩართვის სურვილი ექნება, უზრუნველვყოთ შემგროვებელი აპარატების დამონტაჟება. მგონია, საინტერესო და მნიშვნელოვანი პროექტია”.
