თბილისში, ნუცუბიძის ქუჩაზე, გლოვოს კურიერი დაჭრეს. შემთხვევა დაახლოებით 1 საათის წინ მოხდა.
დაშავებულა თემო სიგუა, რომელიც ხეჩინაშვილის კლინიკაშია გადაყვანილი, სადაც მას სამედიცინო გამოკვლევები უტარდება.
დედის განცხადებით, სიგუამ კლიენტთან ბოლო შეკვეთა დატოვა, რის შემდეგაც მას დაურეკეს და უთხრეს, რომ პროდუქტს გარკვეული ინგრედიენტი აკლდა. სწორედ ამის შემდეგ გაუსწორდა ფიზიკურად კურიერს ერთი ადამიანი.
შსს-ში აცხადებენ, რომ მომხდართან დაკავშირებით დაწყებულია გამოძიება. ამ დროისთვის უცნობია, დაკავებული არიან თუ არა თავდამსხმელები.
