გვიან ღამით, თბილისში, მტკვრის მარჯვენა სანაპიროზე 3 ავტომანქანა ერთმანეთს შეეჯახა. ავარიის შედეგად, 3 ადამიანი დაშავდა, მათ შორის, ერთი მცირეწლოვანი. დაშავებულები სასწრაფო დახმარების ბრიგადებმა კლინიკებში გადაიყვანა.
შს სამინისტროს ინფორმაციით, მომხდარ ფაქტზე გამოძიება სსკ-ის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.
