თბილისში, დონალდ რამსფელდის ფონდთან, ჯონს ჰოპკინსის უნივერსიტეტთან და ეკონომიკური პოლიტიკის კვლევის ცენტრთან ერთად 2016 წლის კავკასია-ცენტრალური აზია-ავღანეთი-მონღოლეთის რეგიონული ფორუმი მიმდინარეობს.
ფორუმზე 18 ქვეყნის 150-ზე მეტი წარმომადგენელი რეგიონისთვის მნიშვნელოვან მოვლენებსა და საკითხებს განიხილავს.
ფორუმი რამსფელდის ფონდის პრეზიდენტმა, აშშ-ს თავდაცვის ყოფილმა მდივანმა – დონალდ რამსფელდმა გახსნა.
„ რეგიონული თანამშრომლობისთვის მსგავსი ინიციატივები აუცილებელია. მსგავსი ტიპის შეხვედრებს რამსფელდის ფონდის კურსდამთავრებულები ხშირად მართავენ და რეგიონში არსებულ გამოწვევებზე მსჯელობენ. შეკრებები პერიოდულად სხვადასხვა ქვეყანაში ხდება. მოხარული ვარ, რომ საქართველოში ვიმყოფებით”,-განაცხადა დონალდ რამსფელდმა.
ფორუმის მონაწილეებს სიტყვით საქართველოს პრემიერ-მინისტრი გიორგი კვირიკაშვილიც მიმართავს.
