თბილისში, ნუცუბიძის ქუჩაზე, ფეხით მოსიარულე დედა-შვილს მანქანა დაეჯახა. შემთხვევის შედეგად 45 წლამდე ქალი დაიღუპა. ამის შესახებ ინფორმაციას “მთავარი” ავრცელებს.
დაშავებული, 10 წლამდე ბავშვი კლინიკაში გადაიყვანეს.
შინაგან საქმეთა სამინისტრომ მომხდარზე გამოძიება სისხლის სამართლის კოდექსის 276–ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს.
