თბილისში ცხოველთა კვებისთვის განკუთვნილი აპარატები დამონტაჟდება – ამის შესახებ თბილისის მერმა, კახა კალაძემ დედაქალაქის მთავრობის სხდომაზე განაცხადა. მისი თქმით, პროექტი ითვალისწინებს არა მხოლოდ ცხოველებზე ზრუნვას, არამედ იმას, რომ ამაში მეტი ადამიანი ჩაერთვება.
კალაძის განმარტებით, აპარატების მოვლა-პატრონობას ცხოველთა სააგენტო განახორციელებს:
“მოსახლეობას მივეცით შესაძლებლობა, წარმოადგინონ იდეები, ხედვები და პროექტები, რისი განხორციელება შეიძლება ქალაქში. პროექტი “შენი იდეა ქალაქის მერს” – აქტიურობა ძალიან დიდია. 10 იდეის განხილვა მიმდინარეობს. 2 პროექტი განხორციელდება. ერთი არის ცხოველთა კვებისთვის განკუთვნილი აპარატების დაყენება. მიმდინარე წელს ვგეგმავთ ამ იდეის განხორციელებას. დედაქალაქში რამდენიმე ასეთი აპარატი დამონტაჟდება. ცხოველების კვებაში მეტი მოქალაქე ჩაერთვება და ეს ძალიან კარგია”.