თბილისში ბოლო ერთ თვეში 120-მდე სამშენებლო ობიექტი შემოწმდა და ყველა მათგანზე შრომის უსაფრთხოების ნორმების დარღვევა დაფიქსირდა

region
ავტ.: region აგვისტო 19, 2019 11:25

თბილისში ბოლო ერთ თვეში 120-მდე სამშენებლო ობიექტი შემოწმდა და ყველა მათგანზე შრომის უსაფრთხოების ნორმების დარღვევა დაფიქსირდა

23 ივლისიდან დღემდე თბილისში 120-მდე სამშენებლო ობიექტი შემოწმდა და შრომის პირობების დარღვევის გამო 53 შეჩერდა. დაკისრებული ჯარიმის მოცულობა კი 1.6 მილიონ ლარს აჭარბებს, – ამის შესახებ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შრომის პირობების ინსპექტირების დეპარტამენტის უფროსმა ბექა ფერაძემ განაცხადა.

როგორც ბექა ფერაძე აცხადებს, ყველა შემოწმებულ ობიექტზე დაფიქსირდა შრომის უსაფრთხოების დარღვევები, მათ შორის 53 შემთხვევაში კრიტიკული შეუსაბამობები გამოვლინდა და ამ ობიექტების მშენებლობა შეჩერდა, სხვა შემთხვევაში კი ობიექტებს 10- დღიანი ვადა მიეცათ ხარვეზების აღმოსაფხვრელად.

„ინსპექტირება 23 ივლისს დავიწყეთ და დღეის მდგომარეობით, ჯამში 120-მდე სამშენებლო ობიექტია შემოწმებული, რომელთაგან დარღვევები აღმოჩენილია ყველაზე. მათ შორის კრიტიკული შეუსაბამობის გამო სამუშაოები შეუჩერდა 53 ობიექტს.

გამოვლენილია სხვადასხვა ტიპის შეუსაბამობები, მათ შორის არ ხდება სამშენებლო ობიექტებზე საფრთხის შეფასება, პრევენციული ღონისძიებების გატარება, შესაბამისი წესით არ ხდება კოლექტიური და ინდივიდუალური დაცვის საშუალებების გამოყენება.

დღეის მდგომარეობით 1 მილიონ 600 ათასზე მეტი ჯარიმაა გამოწერილი. დანარჩენ ობიექტებს, რომლებიც შეჩერებული არ არის დარღვევის აღმოსაფხვრელად 10 დღიანი ვადა მიეცათ და მიმდინარეობს გადამოწმებები თუ როგორ ხდება დარღვევების აღმოფხვრა,“ – განაცხადა ბექა ფერაძემ

მისივე თქმით, სამშენებლო ობიექტების ნაწილის ხელმეორედ გადამოწმების შედეგად გამოვლენილი ტენდენცია დადებითია და კომპანიების უმეტესობა ითვალისწინებს შენიშვნებს.

region
ავტ.: region აგვისტო 19, 2019 11:25

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics