თბილისის ზღვაზე 36 წლის კაცის ცხედარი იპოვეს.შინაგან საქმეთა სამინისტროს ინფორმაციით,გარდაცვლილი ცეცხლნასროლი ჭრილობით არის მოკლული.
მომხდართან დაკავშირებით, გამოძიება სისხლის სამართლის კოდექსის 108-ე და 236-ე მუხლებით დაიწყო, რაც განზრახ მკვლელობას და იარაღის უკანონო შეძენა-შენახვა-ტარებას გულისხმობს.
ცხედარს უკვე ჩაუტარდა ექსპერტიზა. ამ დროისთვის, შს სამინისტროს ნოდარ ცხადაძის მკვლელობისთვის დაკავებული არავინ ჰყავს.