თბილისის სააპელაციო სადამართლოში ე.წ ციანიდის საქმის განხილვა იწყება. სხდომა 6 დეკემბერს 12:00 საათზე ჩაინიშნა.
აღნიშნულ ინფორმაციას დაკავებული დეკანოზის, გიორგი მამალაძის ადვოკატი, გიორგი ფანცულაია ავრცელებს.
დეკანოზ გიორგი მამალაძეს თბილისის საქალაქო სასამართლომ თავისუფლება აღუკვეთა.
გიორგი მამალაძე მკვლელობის მომზადების ბრალდებით თბილისის აეროპორტში 10 თებერვალს დააკავეს. ის ბერლინში მიფრინავდა, სადაც ილია მეორეს ოპერაციისთვის ამზადებდნენ. ჟურნალისტმა ირაკლი მამალაძემ პროკურატურას აცნობა, რომ მამა გიორგიმ ციანიდის მოძიებაში დახმარება სთხოვა, რითაც მაღალი იერარქიის სასულიერო პირი უნდა მოეწამლა. დეკანოზი წარდგენილ ბრალდებაში თავს დამნაშავედ არ ცნობს. 5 სექტემბერს დეკანოზ გიორგი მამალაძის საქმეზე თბილისის საქალაქო სასამართლომ გამამტყუნებელი განაჩენი გამოიტანა. მას 9 წლით თავისუფლების აღკვეთა მიესაჯა.
