თბილისის ოპერის ფარდა კომპანია „გერიეცის” ოფიციალურ ვებგვერდზე
თბილისის ოპერისა და ბალეტის თეატრის მთავარი ფარდა და თეატრის სავიზიტო ბარათი – სერგო ქობულაძის ფარდის ესკიზით დამზადებული პრინტი – ცნობილმა გერმანულმა ფირმამ „გერიეცი” განახორციელა. სწორედ ამ კომპანიამ დაამზადა მსოფლიოს წამყვანი საოპერო თეატრების, კერძოდ ლონდონის „კოვენტ გარდენის”, ბარსელონას „ლისეოს”, ნიუ-იორკის „მეტროპოლიტენ ოპერას” და სხვა ცნობილი თეატრების ფარდები. კომპანია „გერიეცის” ოფიციალურ ვებგვერდს ახლა თბილისის ოპერისა და ბალეტის თეატრიც ამშვენებს.
