თბილისის მერიასთან საპროტესტო აქცია დასრულდა. აქციის მონაწილეები ხვალ, 09:00 საათზე კვლავ შეიკრიბებიან მერიასთან, ”რათა თბილისის მცხოვრებლების უფლებები დაიცვან”.
ტერიტორიას ტოვებენ ასევე საპატრულო პოლიციის ეკიპაჟები, რომლებიც აქციის მსვლელობისას პერიმეტრზე იმყოფებოდნენ.
დღევანდელი აქციის მონაწილეები ითხოვდნენ ბოტანიკური ბაღის მიერ გასხვისებული 4 ჰექტარი მიწის ბოტანიკური ბაღისათვის შენარჩუნებას. ასევე კრწანისი-შინდისის დამაკავშირებელი გზის მშენებლობის გაგრძელებას და აღნიშნული ტერიტორიის გასხვისების შეჩერებას.
