თბილისის მერიამ 2017 წლის ბიუჯეტის პირველადი პროექტი წარადგინა

თბილისის მერიამ 2017 წლის ბიუჯეტის პირველადი პროექტი წარადგინა და მომავალი წლის პრიორიტეტები განსაზღვრა.

2017 წლის მთავარი პრიორიტეტები მუნიციპალური ტრანსპორტის განვითარება, საგზაო ინფრასტრუქტურა, გამწვანება და განათლება იქნება.

კერძოდ, მუნიციპალური ტრანსპორტის განვითარების მიმართულებით, 2017 წელს 62 მლნ ლარზე მეტი დაიხარჯება, რაც გასულ წელთან შედარებით, თითქმის გაორმაგებული ოდენობის თანხაა.

ამასთან, საგზაო ინფრასტრუქტურის მშენებლობა, აღდგენა და მოვლა-შეკეთებისთვის 2017 წელს გასული წლის დამტკიცებულ ბიუჯეტთან (78,7 მლნ) შედარებით დედაქალაქის მერია 6,8 მლნ ლარზე მეტს დახარჯავს. (85,5 მლნ).

რაც შეეხება გამწვანებას, ამ მიმართულებითაც, 2017 წლის ბიუჯეტი იზრდება 3 მლნ ლარზე მეტით.

განათლებასა და სკოლამდელი აღზრდის დაწესებულებების ხელშეწყობის ნაწილში კი, წინა წლის დამტკიცებულ ბიუჯეტთან შედარებით 15 მლნ ლარზე მეტია ზრდა – დასრულდება 10 დაწყებული ბაღის მშენებლობა და დაიწყება 8 ახალი ბაღის მშენებლობის პროცესი.

აღსანიშნავია, რომ 2017 წელს წინა წელთან შედარებით კიდევ უფრო მეტად მცირდება ადმინისტრაციული ხარჯები, კერძოდ 16,1 მლნ ლარით, მათ შორის, მკვეთრად შემცირდება საპრემიო ფონდი – 9,3 მლნ ლარით.

2017 წლის ბიუჯეტის პირველადი პროექტი თბილისის საკრებულოში დადგენილ ვადაში გადაიგზავნება.

banner
წინა სტატიაშიაფხაზებს გაზეთ ,,აფხაზიას,, საკითხი ჟენევის მოლაპარაკებებზე გააქვთ
შემდეგი სტატიარუსეთის პარლამენტი რუსულ-აფხაზური ჯარის ხელშეკრულების რატიფიცირებას აპირებს