თბილისის მერია მშობლებს მოუწოდებს, ”კონკრეტული პირების მიერ პოლიტიკურად მართულ პროცესებში” ნუ ჩაერთვებიან

news
ავტ.: news მარტი 23, 2016 16:53

თბილისის მერია მშობლებს მოუწოდებს, ”კონკრეტული პირების მიერ პოლიტიკურად მართულ პროცესებში” ნუ ჩაერთვებიან

მნიშვნელოვანი

  • თბილისის მერია რამდენიმე საბავშვო ბაგა-ბაღში დირექტორების გათავისუფლებასთან დაკავშირებით განვითარებულ პროცესებს ეხმაურება და გავრცელებულ განცხადებაში მშობლებს მოუწოდებს, კონკრეტული პირების მიერ პოლიტიკურად მართულ პროცესებში ნუ ჩაერთვებიან.

სხვა სტატიები

დედაქალაქის მერიის განცხადებით, თბილისის რამდენიმე საბავშვო ბაგა-ბაღის დირექტორის გათავისუფლება მხოლოდ მათი მოვალეობის არაჯეროვნად შესრულებას უკავშირდება და საკითხის პოლიტიზება მიუღებელია.

თბილისის მერია რამდენიმე საბავშვო ბაგა-ბაღში დირექტორების გათავისუფლებასთან დაკავშირებით განვითარებულ პროცესებს ეხმაურება და გავრცელებულ განცხადებაში მშობლებს მოუწოდებს, კონკრეტული პირების მიერ პოლიტიკურად მართულ პროცესებში ნუ ჩაერთვებიან.

“თაიმერი” დედაქალაქის მერიის განცხადებას უცვლელად გთავაზობთ:

“გვინდა განვაცხადოთ, რომ დირექტორების გათავისუფლება მხოლოდ მათი მოვალეობის არაჯეროვნად შესრულებას უკავშირდება და საკითხის პოლიტიზება ჩვენთვის მიუღებელია.

მიუხედავად იმისა, რომ ბაღებში აღმოჩენილი კონკრეტული დარღვევების შესახებ ინფორმაცია არაერთხელ გავრცელდა, გარკვეული პირები ცდილობენ, დირექტორების გათავისუფლება პოლიტიკურ ჭრილში გადაიყვანონ.

აღვნიშნავთ, რომ ბაგა-ბაღებში ბავშვებისთვის უსაფრთხო და ჯანმრთელი გარემოს შექმნაზე პასუხისმგებელი არის თბილისის საბავშვო ბაგა-ბაღების მართვის სააგენტო. სააგენტოს ხელმძღვანელობა არ დაუშვებს საფრთხე შეექმნას ბავშვების ჯანმრთელობას და უსაფრთხოებას, შესაბამისად ყველა დარღვევას, მათ შორის ფინანსურსაც, ადეკვატური რეაგირება მოყვება.

მოვუწოდებთ მშობლებს, ნუ ჩაერთვებიან კონკრეტული პირების მიერ პოლიტიკურად მართულ პროცესებში!

რაც შეეხება დარღვევებს, რის საფუძველზეც გათავისუფლდნენ დირექტორები, კიდევ ერთხელ განვმარტავთ, რომ ბაღებში ინსპექტირება ჩაატარა როგორც თბილისის ბაგა-ბაღების სააგენტოს მონიტორინგის სამსახურმა, ასევე თბილისის მერიის შიდა აუდიტის სამსახურმა. შემოწმდა დაფინანსების მოთხოვნის, მიღებისა და გასული ხარჯების მიზნობრიობა, რის შედეგადაც გამოიკვეთა მნიშვნელოვანი დარღვევები, მათ შორის ბავშვებისთვის განკუთვნილი საკვების ზედმეტად ჩამოწერა, საკვები პროდუქტისათვის მოთხოვნილი თანხების სააგენტოსთან შეუთანხმებლად სამეურნეო ხარჯების დასაფინანსებლად გამოყენება და სხვა. სააგენტოს წესდების თანახმად კი, ბაგა-ბაღის საერთო საქმიანობას წარმართავს და მის ხარისხზე, კანონიერებასა და ეფექტურობაზე პასუხისმგებელია ბაგა-ბაღის დირექტორი.

თბილისის მასშტაბით ამ დროისთვის 161 ბაგა-ბაღი ფუნქციონირებს და სააღმზრდელო პროცესში 56 000 ბავშვია ჩართული”, – ნათქვამია მერიის მიერ გავრცელებულ განცხადებაში.

news
ავტ.: news მარტი 23, 2016 16:53

Google სტატისტიკა


1,942
ვიზიტორი
დღეში
Powered By Google Analytics