თბილისის ავტობუსებზე ქალი მძღოლები გამოჩნდნენ. ეს ფაქტი, საზოგადოების ყურადღების მიღმა არ დარჩენილა.
სოციალურ ქსელში ერთერთმა მომხმარებელმა გაავრცელა ფოტო, სადაც ყვითელი ავტობუსის მძღოლად, ფირუზისფერ კაბაში გამოწყობილი გოგონა ზის.
ფოტოს ავტორი აღნიშნავს, რომ გოგონას ულამაზესი კაბა ეცვა და ამის გამო, შთაბეჭდილების ქვეშაა.
ფირუზისფერკაბიანი გოგონა, 25 წლის სოფო ტაბატაძეა. სოფოს მეუღლე თბილისის მეტროპოლიტენის მემანქანეა, სწორედ მან შესთავაზა სოფოს იდეა – გამხდარიყო ავტობუსის მძღოლი.