საქართველოს სამოქალაქო ავიაციის სააგენტომ რუმინულ ავიაკომპანია DAN AIR-ს ბუქარესტი-თბილისი-ბუქარესტის მიმართულებით რეგულარული ფრენების განხორციელების ნებართვა მისცა. უწყების გადაწყვეტილებით, ორ ქვეყანას შორის პირდაპირი საჰაერო მიმოსვლა ზაფხულის სეზონზე აღდგება.
ავიაკომპანიის მიერ წარმოდგენილი განაცხადის მიხედვით, რეგულარული რეისები 1 ივლისიდან 24 ოქტომბრამდე პერიოდში, კვირაში ორჯერ — ყოველ სამშაბათსა და შაბათს შესრულდება.
როგორც აეროპორტების გაერთიანებაში აცხადებენ, პირდაპირი ავიამიმოსვლის განახლება ხელს შეუწყობს როგორც ტურისტული ნაკადების ზრდას, ისე ორ ქვეყანას შორის ეკონომიკური კავშირების გაღრმავებას.
