საქართველოს ეკონომიკისა და მდგრადი განვითარების სამინისტროს ინფორმაციით, ჩინეთის ადგილობრივ ავიაკომპანიებთან შანხაი-თბილისი-შანხაის მიმართულებით რეგულარული ფრენების დაწყებასთან დაკავშირებით აქტიური მოლაპარაკებები რამდენიმე თვეა მიმდინარეობს.
უწყების ცნობით, ავიაკომპანიებთან მორიგ შეხვედრას ეკონომიკის მინისტრი მარიამ ქვრივიშვილი გამართავს. სამინისტროს განცხადებით, შეხვედრაზე განიხილება დამატებითი პირდაპირი ფრენების დაწყებაც, თუმცა, კონკრეტულად რა მიმართულებით, დაზუსტებული არ არის.
„დაიწყო მოლაპარაკებები დამატებითი პირდაპირი ფრენების დაწყების თაობაზე” „საქართველოსა და ჩინეთს შორის 2018 წლიდან გაფორმებულია თავისუფალი ვაჭრობის შეთანხმება, რომლის შედეგად, 2025 წელს სავაჭრო ბრუნვამ 148%-ით მეტი შეადგინა 2017 წლის მაჩვენებლებთან შედარებით.
აღსანიშნავია, რომ ორ ქვეყანას შორის 2024 წლიდან უვიზო მიმოსვლის შეთანხმების ამოქმედებამ მნიშვნელოვნად შეუწყო ხელი როგორც ავიამიმოსვლის, ასევე ტურისტული ნაკადების ზრდას.
აღსანიშნავია, რომ 2026 წლის პირველ კვარტალში ჩინეთიდან ვიზიტორების რაოდენობა 49%-ით არის გაზრდილი, რასაც ხელს უწყობს პირდაპირი ფრენები, რომლებიც მაღალი დატვირთვით ხორციელდება.
ორ ქვეყანას შორის სავაჭრო-ეკონომიკური ურთიერთობების ასეთი დინამიკიდან გამომდინარე, დაიწყო აქტიური მოლაპარაკებები დამატებითი პირდაპირი ფრენების დაწყების თაობაზე, მათ შორის, თბილისი-შანხაის ხაზზე, სადაც პირდაპირი ავიამიმოსვლა აქამდე არ განხორციელებულა“, – ნათქვამია ინფორმაციაში.
