“თავმჯდომარე დალოცა და ქვეყნის სასიკეთოდ ნაყოფიერი საქმიანობა უსურვა” – კახა კუჭავა ილია II-ს შეხვდა

კუჭავა ილია II-ს შეხვდა

საქართველოს საპატრიარქოს ინფორმაციით, პარლამენტის ახლადარჩეული თავმჯდომარე, კახა კუჭავა საქართველოს კათოლიკოს-პატრიარქს, ილია მეორეს შეხვდა.

“შეხვედრას ასევე ესწრებოდნენ საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი), თბილისის სასულიერო აკადემიისა და სემინარიის რექტორი, პროტოპრესვიტერი გიორგი ზვიადაძე და საქართველოს საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე.

შეხვედრა გაცნობითი ხასიათის იყო; კათოლიკოს-პატრიარქმა პარლამენტის ახალი თავმჯდომარე დალოცა და ქვეყნის სასიკეთოდ ნაყოფიერი საქმიანობა უსურვა”, – ნათქვამია განცახდებაში.

რეკლამის ბანერი
წინა სტატიაშიოხანაშვილი: არ შეიძლება, გავავრცელოთ ამნისტია წამებასა და არაადამიანურ მოპყრობაზე
შემდეგი სტატიაპარლამენტის აპარატის უფროსად ქეთევან კვინიკაძე დაინიშნა