თავისუფლებისთვის ბრძოლა გრძელდება და მჯერა, ათასობით ახალი თაობის პატრიოტთან ერთად მერაბიშვილი თავის როლს შეასრულებს ამ ბრძოლაში

„ახალი საქართველოს“ ლიდერის გიორგი ვაშაძის განცხადებით, თავისუფლებისთვის ბრძოლა გრძელდება და ვანო მერაბიშვილი თავის როლს შეასრულებს ამ ბრძოლაში. მისივე შეფასებით, ივანიშვილის 8-წლიანი მმართველობის ფონზე ნათლად გამოჩნდა ის წარმატება და პროგრესი, რასაც საქართველომ 2003 წლიდან 2012 წლამდე მიაღწია.

„მივესალმები ვანო მერაბიშვილის უკანონო პატიმრობიდან გათავისუფლებას. ივანიშვილის 8 წლიანი მმართველობის ფონზე კიდევ უფრო ნათლად გამოჩნდა ის ძალისხმევა, წარმატება და პროგრესი, რასაც 2003 წლიდან 2012 წლამდე საქართველომ მიაღწია. თავისუფლებისთვის ბრძოლა გრძელდება და მე მჯერა, ათასობით ახალი თაობის პატრიოტთან ერთად ვანო მერაბიშვილი თავის როლს შეასრულებს ამ ბრძოლაში. თავისუფლება ყველა უკანონო პატიმარს!“ – აცხადებს „ახალი საქართველოს“ ლიდერი.

banner
წინა სტატიაშიგიგა ბოკერია : მიხარია, რომ ამხელა სასჯელის შემდეგ, პოლიტიკური პატიმარი ვანო მერაბიშვილი გათავისუფლებულია
შემდეგი სტატიაპირველივე განცხადება მიანიშნებს იმაზე, რომ ამ ადამიანისთვის გარეთ გამოსვლა ადრე იყო და შესაბრუნებელია – ჭიჭინაძე მერაბიშვილზე