თავდასხმა პრესის ჯიხურის გამყიდველზე – ბრალდებულს 8 წლით პატიმრობა მიესაჯა

თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და ყაჩაღობაში ბრალდებული პირი დამნაშავედ ცნო. ინფორმაციას გენერალური პროკურატურა ავრცელებს.

უწყების ცნობით, შინაგან საქმეთა სამინისტროს მიერ ჩატარებული გამოძიების შედეგად, ბრალდების მხარის მიერ სასამართლო პროცესზე გამოკვლეული მტკიცებულებებით დადასტურდა, რომ 2021 წლის 6 თებერვალს, ქურდობისთვის ნასამართლევი ი.ჯ. დანით თავს დაესხა შპს „ელვა მარკეტის“ პრესის ჯიხურის გამყიდველს და სიცოცხლისა და ჯანმრთელობისთვის საშიში ძალადობის გამოყენების მუქარით, მართლსაწინააღმდეგოდ დაეუფლა თანხას.

„სამართალდამცველებმა ი.ჯ. იმავე დღეს დააკავეს. მას ბრალდება საქართველოს სისხლის სამართლის კოდექსის 179-ე მუხლის მე-2 ნაწილის „ა“ და მე-3 ნაწილის „ა“ ქვეპუნქტებით (ყაჩაღობა, ჩადენილი სადგომში უკანონო შეღწევით, არაერთგზის) წარედგინა და აღკვეთის ღონისძიების სახით პატიმრობა შეეფარდა. თბილისის საქალაქო სასამართლომ ი.ჯ. სრულად ცნო დამნაშავედ წარდგენილ ბრალდებაში და სასჯელის სახედ და ზომად 8 წლით თავისუფლების აღკვეთა განუსაზღვრა“, – ნათქვამია ინფორმაციაში.

რეკლამის ბანერი
წინა სტატიაშიხაზარაძე ირაკლი ღარიბაშვილს – ახლანდელი ეკონომიკის მინისტრი ერთადერთი ადამიანი იყო მაშინ, რომელიც სულ ცდილობდა, რომ რაღაც გამოსულიყო ანაკლიის პროექტიდან
შემდეგი სტატიაგელათის სამონასტრო კომპლექსში იუნესკოს ექსპერტებმა მუშაობა დაასრულეს