თავდაცვის სამინისტროს სტრატეგიული კომუნიკაციებისა და საზოგადოებასთან ურთიერთობის დეპარტამენტის განცხადება

გვსურს, გამოვეხმაუროთ სოციალურ ქსელში გავრცელებულ ვიდეოს, სადაც ასახულია ახალციხიდან გორის მიმართულებით სარკინიგზო ვაგონებით ტექნიკის ტრანსპორტირება. აღნიშნული ტექნიკა წარმოადგენს პირველი ქვეითი ბრიგადის საკუთრებას, რომელიც გეგმიური ასეულის დონის საველე სწავლების შემდეგ ბრუნდებოდა ქალაქ გორში.
ამასთან, უნდა აღინიშნოს, რომ ეს არ არის პირველი შემთხვევა და რკინიგზის გამოყენებით აღნიშნულ პოლიგონზე წლებია გეგმიური სწავლებების ფარგლებში ტექნიკის ტრანსპორტირება ხორციელდება.
თხოვნით მივმართავთ მოსახლეობას, თავი შეიკავონ მსგავსი შინაარსის ვიდეოების გავრცელებისგან, რაც საზოგადოებაში უსაფუძვლო პანიკას იწვევს. აქვე აღვნიშნავთ, რომ სწავლების შესახებ თავდაცვის სამინისტრომ დეტალური ინფორმაცია 12 მაისს გაავრცელა.

banner
წინა სტატიაშიმე იმ აქციებში ჩავდგები, როდესაც ივანიშვილი და “ქართული ოცნება“ ხალხის რისხვისგან აუცილებლად იქნება დასაცავი – ვაშაძე
შემდეგი სტატიაუკრაინას დიფტერიისა და ქოლერის აფეთქება ემუქრება – ინფექციონისტი