ავტოსაგზაო შემთხვევა თბილისში – თამარაშვილის ქუჩაზე მსუბუქი ავტომობილი გაჩერებულ ავტომობილს შეეჯახა და ამოტრიალდა. შემთხვევის შედეგად დაშავდა ერთი ადამიანი, ის საავადმყოფოში გადაიყვანეს.
შსს-ს ინფორმაციით, მომხდარზე გამოძიება სსკ-ის 276-ე მუხლის მეორე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის ჯანმრთელობის ნაკლებად მძიმე დაზიანება გამოიწვია.