თამარ ტალიაშვილი: სამხედრო მოსამსახურეები და მრავალშვილიანი მშობლები თბილისის ბაგა-ბაღებში ბავშვის უპირატესი რეგისტრაციით ისარგებლებენ!

ქეთი ფერაძე
ავტ.: ქეთი ფერაძე მაისი 15, 2020 14:06

თამარ ტალიაშვილი: სამხედრო მოსამსახურეები და მრავალშვილიანი მშობლები თბილისის ბაგა-ბაღებში ბავშვის უპირატესი რეგისტრაციით ისარგებლებენ!

თამარ ტალიაშვილი: სამხედრო მოსამსახურეები და მრავალშვილიანი მშობლები თბილისის ბაგა-ბაღებში ბავშვის უპირატესი რეგისტრაციით ისარგებლებენ!თბილისის საკრებულოს განათლებისა და კულტურის კომისიის გადაწყვეტილებით, ბენეფიციართა იმ კატეგორიების ჩამონათვალიგაფართოვდა, რომელიც თბილისის საჯარო ბაგა-ბაღებში უპირატესი რეგისტრაციის წესით ისარგებლებენ.
განათლებისა და კულტურის კომისიის თავმჯდომარის, თამარ ტალიაშვილის განცხადებით, „საჯარო საბავშვო ბაგა-ბაღებში აღსაზრდელთა ჩარიცხვის წესს საფუძვლად სოციალური სამართლიანობის პრინციპი დაედო.
,,ჩვენი მიზანია, უზრუნველვყოთ სკოლამდელი აღზრდა-განათლების იმ მოქალაქეთა ჯგუფებისთვის ხელმისაწვდომობა, რომლებსაც სხვაგვარად გაუჭირდებოდათ ბავშვის ჯანსაღი განვითარებისათვის ამ მნიშვნელოვანი სერვისის მიღება.
წესის მიღებისთანავე რეგისტრაციის პირველი ეტაპი გავხსენით ისეთი კატეგორიის ბენეფიციარებისათვის, როგორებიც არიან: სოციალურად დაუცველი ოჯახის შვილები, სპეციალური საგანმანათლებლო საჭიროების მქონე ბავშვები, ჩვილ ბავშვთა სახლის ბენეფიციარები, თბილისის საჯარო ბაგა-ბაღების აღსაზრდელთა დედმამიშვილები. 2019 წელს დავამატეთ კიდევ ერთი კატეგორია – მარტოხელა მშობლის სტატუსის მქონე პირთა შვილები. დღეს შეტანილი ცვლილებით ამ ჩამონათვალს ვამატებთ მრავალშვილიან ოჯახებს და გვაქვს ასევე პატივი განსაზღვრული კატეგორიის სამხედრო მოსამსახურეთა შვილებისათვის გავხადოთ საჯარო ბაგა-ბაღების სერვისი უფრო ხელმისაწვდომი“, -განაცხადა დეპუტატმა.
„ქალაქ თბილისის მუნიციპალიტეტის მართვაში არსებული სკოლამდელი აღზრდის საჯარო დაწესებულებების ერთ ბავშვზე/აღსაზრდელზე გათვლილი ვაუჩერით დაფინანსების, სასკოლო მზაობის საგანმანათლებლო სახელმწიფო სტანდარტის დანერგვის, მუნიციპალიტეტის მართვაში არსებული სკოლამდელი აღზრდის საჯარო დაწესებულებებში ბავშვის/აღსაზრდელის რეგისტრაციისა და მიღება-ამორიცხვის წესის დამტკიცების თაობაზე“ საკრებულოს 2015 წლის დადგენილებაში ცვლილების თანახმად, თბილისის საჯარო ბაგა-ბაღებში 2020 წლიდან რეგისტრაციის უპირატესი წესით ისარგებლებენ საერთაშორისო სამშვიდობო მისიებსა და სამსახურეობრივი მოვალეობის შესრულების დროს საქართველოს თავდაცვის სამინისტროს დაჭრილი, დაშავებული, დაღუპული და უგზო-უკვლოდ დაკარგული სამხედრო მოსამსახურეების შვილები; აგრეთვე, საერთაშორისო სამშვიდობო ოპერაციებში (რეგისტრაციის პერიოდში) მყოფი სამხედრო მოსამსახურეების შვილები, ასევე მრავალშვილიანი მშობლის სტატუსის მქონე მშობლის შვილები. 2020-2021 სააღმზრდელო წლისთვის რეგისტრაცია თბილისის საჯარო საბავშვო ბაგა-ბაღებში ელექტრონული რეგისტრაციის პირველი ეტაპი 2020 წლის 12 ივნისს დაიწყება.
რეგისტრაციის წესში აღნიშნული ცვლილების შეტანასთან დაკავშირებით განათლებისა და კულტურის კომისიამ აქტიურად ითანამშრომლა ინიციატორებთან, საქართველოს თავდაცვის სამინისტროსთან, თბილისის საკრებულოს ისნის მაჟორიტარი დეპუტატთან ნინო ლაცაბიძესთან და თბილისის საბავშვო ბაგა-ბაღების მართვის სააგენტოსთან.
კომისიის სხდომა კითხვა-პასუხის რეჟიმში წარიმართა და მასში საკრებულოს დეპუტატებთან ერთად მონაწილეობა საქართველოს თავდაცვის სამინისტროს სოციალურ საკითხთა და ფსიქოლოგიური მხარდაჭერის დეპარტამენტის უფროსმა ვალერი ლომუაშვილმა და ა(ა)იპ თბილისის საბავშვო ბაგა-ბაღების მართვის სააგენტოს დირექტორმა კახაბერ გვანცელაძემ და სამსახურებრივი მოვალეობის დროს დაჭრილმა სამხედრომ მიხეილ ქუთათელაძემ მიიღეს.

ქეთი ფერაძე
ავტ.: ქეთი ფერაძე მაისი 15, 2020 14:06

Google სტატისტიკა


2,535
ვიზიტორი
დღეში
Powered By Google Analytics