თამარ გაბუნია ტრანსპორტის აღდგენაზე – შეზღუდვების შემსუბუქების არანაირი საფუძველი არ გვაქვს

შეზღუდვების შემსუბუქების არანაირი საფუძველი არ გვაქვს. დღევანდელი მდგომარეობით, სიტუაცია არის საკმაოდ რთული, – ასე უპასუხა ჯანდაცვის მინისტრის მოადგილე თამარ გაბუნიამ კითხვას, რამდენად შესაძლებელია 4 სექტემბრიდან საზოგადოებრივი ტრანსპორტის აღდგენა.

როგორც გაბუნიამ აღნიშნა, საზოგადოებრივი ტრანსპორტის შეზღუდვასთან დაკავშირებით საკოორდინაციო საბჭო იმსჯელებს, თუმცა მისივე თქმით, დღევანდელი მდგომარეობით ის შეზღუდვები, რაც არსებობს, ისე გაგრძელდება.

„შემსუბუქების საფუძველი არანაირი არ გვაქვს. დღევანდელი მდგომარეობით სიტუაცია არის საკმაოდ რთული, კლინიკები გადატვირთულია. ყველა ის რეგულაცია, რომელიც ძალაშია, უნდა აღსრულდეს მაქსიმალური სიმკაცრით.

საზოგადოებრივ ტრანსპორტთან დაკავშირებით საბჭო იმსჯელებს, მაგრამ დღევანდელი მდგომარეობით შეზღუდვები ის, რაც გვაქვს და როგორც არის დაანონსებული, ისე გაგრძელდება.

საბჭო იმსჯელებს და იქნება გადაწყვეტილება, ვერ გეტყვით ზუსტად როდის იქნება“, – განაცხადა გაბუნიამ.

banner
წინა სტატიაშიგაბუნია – ყველა ორსულს და მათ ექიმებს კიდევ ერთხელ ვთხოვთ, ნუ გადაავადებენ ვაქცინაციას
შემდეგი სტატიაგაბუნია – „მოდერნასთან“ პირდაპირი შესყიდვის ხელშეკრულებაზე საუბარი არ გვაქვს