თამარ გაბუნია – საბედნიეროდ, დღეს ჩვენ არ გვყავს მძიმე პაციენტები, რომლებიც „სოლიდარობის კვლევაში“ ჩაერთვებოდნენ

region
ავტ.: region ივლისი 16, 2020 15:54

თამარ გაბუნია – საბედნიეროდ, დღეს ჩვენ არ გვყავს მძიმე პაციენტები, რომლებიც „სოლიდარობის კვლევაში“ ჩაერთვებოდნენ

საქართველოს ჯანდაცვის მინისტრის მოადგილის, თამარ გაბუნიას განცხადებით, „სოლიდარობის კვლევა“ ჯერ არ დაწყებულა, ვინაიდან ჯანმრთელობის მსოფლიო ორგანიზაციის მიერ გარკვეული მოდიფიკაცია და წესების ცვლილებები ხორციელდება.

„სოლიდარობის კვლევასთან“ დაკავშირებით, ბოლო ორი-სამი კვირის განმავლობაში ჯანმრთელობის მსოფლიო ორგანიზაციის მიერ გარკვეული მოდიფიკაცია და წესების ცვლილებები ხორციელდება. ქვეყანაში სამი ჯგუფისთვის მედიკამენტები ჩამოვიდა, მაგრამ ისე მოხდა, რომ ის მედიკამენტები, რომლებიც ჩამოვიდა, უკვე კვლევის პროტოკოლიდან გაქრა. გარკვეული დალაგება სჭირდება ამ სიტუაციას, ვიდრე რეალურად გაეშვება „სოლიდარობის კვლევა“ პაციენტის დონეზე“, – განაცხადა თამარ გაბუნიამ.

გაბუნიას განმარტებით, დღეს საქართველოს არ ჰყავს მძიმე პაციენტიები, რომლებიც „სოლიდარობის კვლევაში“ ჩაერთვებოდნენ. გაბუნია აცხადებს, რომ კორონავირუსის აქტიური შემთხვევები კვლევაში ჯერჯერობით არ მონაწილეობენ.

„საბედნიეროდ, დღეს ჩვენ არ გვყავს მძიმე პაციენტები, რომლებიც „სოლიდარობის კვლევაში“ ჩაერთვებოდნენ, რომ ყოფილიყო კვლევა გაშვებული. ვფიქრობ, მომდევნო ერთი თვის განმავლობაში ჯანმრთელობის მსოფლიო ორგანიზაციის მკვლევრები ჩამოყალიბდებიან იმ პროტოკოლზე, რითიც ვაგრძელებთ მუშაობას და ჩვენც, რა თქმა უნდა, ამას გავიზიარებთ. ჯერჯერობით წამალი არის, მაგრამ კვლევაში აქტიური პაციენტები ჩართულები არ არიან“, – განაცხადა გაბუნიამ.

region
ავტ.: region ივლისი 16, 2020 15:54

Google სტატისტიკა


2,719
ვიზიტორი
დღეში
Powered By Google Analytics