„ქართული ოცნების“ წარმომადგენელი თამარ ჩუგოშვილი ცესკო-ს გადაწყვეტილებას ლადო ბედუკაძის პარტია „ცენტრისტების“ რეგისტრაციიდან მოხსნის შესახებ მნიშვნელოვანს უწოდებს.
როგორც თამარ ჩუგოშვილმა განაცხადა, ის პოლიტიკური კლიპი, რომელიც საზოგადოებამ ნახა, მიმართულია ქვეყნის სივერენიტეტის წინააღმდეგ.
“როდესაც საუბარია ოკუპანტი სახელმწიფოს შემოყვანაზე, შენარჩუნებასა და მათი პასპორტების შემოღებაზე, ეს რა თქმა უნდა ქვეყნის სუვერენიტეტსა და არსებობას უქმნის საფრთხეს. არავითარ შემთხვევაში ქართულ პოლიტიკაში არ უნდა არსებობდეს სივრცე ასეთი მოწოდებებისთვის, ასეთი პოლიტიკური პარტიებისთვის, რომელთაც მსგავსი პოლიტიკური პლატფორმები აქვთ. რა თქმა უნდა მნიშვნელოვანია ცესკო-ს გადაწყვეტილება“, – განაცხადა ჩუგოშვილმა.
ცენტრალურმა საარჩევნო კომისიამ ლადო ბედუკაძის პარტია “ცენტრისტები” რეგისტრაციიდან მოხსნა.
თამარ ჟვანიას განცხადებით,, ცესკო-სთვის გუშინ გახდა ცნობილი, რომ “ცენტრისტებს” არ ჰყავთ უფლებამოსილი პირი, პარტიის თავმჯდომარის სახით.
