თამარ არჩუაძე – მგზავრებს პირბადის ტარება თვითმფრინავის ბორტზეც მოუწევთ, ჩაფრენის აეროპორტში კი, იმ ქვეყნის რეგულაციები უნდა დაიცვან, სადაც გაემგზავრებიან

თაიმერი timer.ge
ავტ.: თაიმერი timer.ge ივნისი 7, 2020 09:07

თამარ არჩუაძე – მგზავრებს პირბადის ტარება თვითმფრინავის ბორტზეც მოუწევთ, ჩაფრენის აეროპორტში კი, იმ ქვეყნის რეგულაციები უნდა დაიცვან, სადაც გაემგზავრებიან

ეკონომიკისა და მდგრადი განვითარების სამინისტროს „საქართველოს აეროპორტების გაერთიანების“ დირექტორის, თამარ არჩუაძის განცხადებით, ქვეყანა შიდა და საერთაშორისო ტურიზმის გახსნისთვის ემზადება.

თამარ არჩუაძის განმარტებით, მიმდინარეობს ქვეყნის საერთაშორისო და ადგილობრივი აეროპორტების მომზადება რეგულარული საჰაერო მიმოსვლის დასაწყებად იმ გაიდლაინების მიხედვით, რომლებიც საავიაციო სფეროსთვის გამოქვეყნდა.

„ვემზადებით პირველი ივლისისთვის. თბილისის საერთაშორისო აეროპორტი რეგულარული საჰაერო მიმოსვლის დასაწყებად პრაქტიკულად მზად არის. მიმდინარეობს ქუთაისის საერთაშორისო აეროპორტისა და „საქართველოს აეროპორტების გაერთიანების“ მართვაში მყოფი შიდა აეროპორტების მომზადება ფრენებისთვის. ყველა აეროპორტში ამჟამად მიმდინარეობს სპეციალური სტიკერებით მონიშვნა, რათა მგზავრებმა შეძლონ დაწესებული მეტრ-ნახევრიანი დისტანციის დაცვა“, – განაცხადა თამარ არჩუაძემ.

თამარ არჩუაძის განმარტებით, მგზავრებს პირბადის ტარება, აეროპორტის გარდა, თვითმფრინავის ბორტზეც მოუწევთ.

„ჩაფრენის აეროპორტში კი, მგზავრებს მოუწევთ იმ ქვეყნის რეგულაციების დაცვა, სადაც გაემგზავრებიან“, – განაცხადა თამარ არჩუაძემ.

უკვე ცნობილია ის აუცილებელი მოთხოვნები და რეკომენდაციები, რომლებიც „კოვიდ-19“-ის გავრცელების პრევენციის მიზნით, რეგულარული საჰაერო მიმოსვლის აღდგენის შემდეგ, როგორც მგზავრებმა, ისე აეროპორტებმა და ავიაკომპანიებმა უნდა დაიცვან.

თაიმერი timer.ge
ავტ.: თაიმერი timer.ge ივნისი 7, 2020 09:07

Google სტატისტიკა


4,431
ვიზიტორი
დღეში
Powered By Google Analytics