თალაკვაძე: შეთანხმების მთავარი ფაქტორი უნდა იყოს ჩვენი ქვეყნის და საზოგადოების ინტერესები

პუნქტებში, რომელზეც განხილვა მიმდინარეობს არსი მნიშვნელოვანი წინსვლა, გარკვეული სამუშაო რჩება. თუ ოპოზიციის მხრიდან იქნება გადადგმული პრაგმატული ნაბიჯები, ჩვენი მხრიდან სამართლიანი და პრაგმატული ნაბიჯები იყო გადადგმული ამ დღეებში, ვფიქრობ, რომ ჩვენ შეთანხმებას შევძლებთ, – ამის შესახებ საქართველოს პარლამენტის თავმჯდომარემ, არჩილ თალაკვაძემ განაცხადა.

როგორც თალაკვაძემ კრისტიან დანიელსონთან გამართული შეხვედრის შემდეგ თალაკვაძემ განაცხადა, მნიშვნელოვანია, რომ შეთანხმების დროს გათვალისწინებული იყოს საზოგადოების ინტერესები.

„რაც მთავარია, ამოსავალი წერტილი და შეთანხმების მთავარი ფაქტორი უნდა იყოს ჩვენი ქვეყნის და საზოგადოების ინტერესები. ეს შეთანხმება არის იმისთვის, რომ საქართველომ მოახდინოს დემოკრატიის კონსოლიდაცია და კონცერტრირდეს იმ მნიშვნელოვან ამოცანებზე, რაც დღეს არის, როგორც საზოგადოების დაკვეთა, ასევე ქვეყნის ინტერესები. ძალიან მნიშვნელოვანია, რომ ჩვენ, როგორც სახელმწიფომ ვაჩვენოთ, რომ გვაქვს სტაბილური პოლიტიკური სისტემა და არა ისეთი სისტემა, რომელიც არჩევნებიდან არჩევნებამდე ასეთ კრიზისს აჩვენებს. აქ ვინ იქცეოდა უპასუხისმგებლოდ, ვინ ცდილობდა ძირი გამოეთხარა დემოკრატიისთვის, ვფიქრობ, ამ დიალოგში ამაზე საუბრის პროცესი შორს წაგვიყვანს. ეს სიმართლე არსებობს და საზოგადოებამ კარგად იცის რა მოხდა. თუ ვინმეს ჰქონდა პრეტენზია არჩევნების გაყალბებაზე, ვალდებული იყო, გადაემოწმებინა. თუ ვინ ცდილობდა, პარლამენტი მხოლოდ ერთი პარტიით დაეტოვებინა, ესეც ვნახეთ“, – განაცხადა თალაკვაძემ

ვირუსის ბლოკატორები
წინა სტატიაშიგიგა ბოკერია – ექვს პუნქტს შორის არის პუნქტები, რომლებიც სწრაფ გადაწყვეტილებას მოითხოვს, რათა დანარჩენი პუნქტები დაიძრას
შემდეგი სტატიასულ რომ ჩემი მოსისხლე მტერი იყოს, წყაროს არ დავასახელებ