“რეზოლუციაში მოყვანილი ის თეზისები და პოსტულატები, რასაც დღეს, სხვათა შორის, ევროპარლამენტის 200-ზე მეტმა წევრმა არ დაუჭირა მხარი, გახლავთ რეალობას სრულიად აცილებული და უსამართლო. თქვენც კარგად იცით, რომ სანქციებს ადამიანებს არ უწესებენ დემოკრატიის გაძლიერებისთვის, მედიისთვის თავისუფლების უზრუნველყოფისთვის, დემოკრატიული ინსტიტუტების გაძლიერებისთვის და არ უწესებენ უფრო მონაწილეობითი და მრავალპარტიული პარლამენტის მიღწევისთვის. ამიტომ, ეს სანქციები არ იქნება და მით უმეტეს, თქვენ ნუ იქნებით ამ სანქციების იმედად“,- განაცხადა პარლამენტის თავმჯდომარის მოადგილემ არჩილ თალაკვაძემ.
