თურქეთის პრეზიდენტმა თაიფ ერდოღანმა განაცხადა, რომ ის „უარს“ იტყვის ნატოში შვედეთისა და ფინეთის გაწევრიანებაზე.
“ჩვენ მტკიცედ გავაგრძელებთ ჩვენს პოლიტიკას. ჩვენ ვუთხარით მოკავშირეებს, რომ უარს ვიტყოდით ფინეთისა და შვედეთის ნატოში გაწევრიანებაზე”, – განაცხადა მან ინტერვიუში.
ერდოღანის თქმით, თურქეთი უფრო მეტად ეწინააღმდეგება შვედეთის გაწევრიანებას, ხოლო ფინეთის – ნაკლებად, მათი პოზიციის გამო ქურთისტანის მუშათა პარტიის (PKK) წევრებისა და მხარდამჭერების მიმართ, რომლებსაც თურქეთი ტერორისტებად მიიჩნევს. ამავდროულად, PKK აღიარებულია ტერორისტულ ორგანიზაციად არა მხოლოდ თურქეთში, არამედ აშშ-ში, ევროპის უმეტეს ქვეყნებში და ევროკავშირის დონეზე.