,,თაიმერის” ვიდეომასალაზე გამოძიება დაიწყო- ხე-ტყის უკანონო ჭრის ფაქტები ლებარდეში

ქეთი ფერაძე
ავტ.: ქეთი ფერაძე სექტემბერი 23, 2019 12:01

,,თაიმერის” ვიდეომასალაზე გამოძიება დაიწყო- ხე-ტყის უკანონო ჭრის ფაქტები ლებარდეში

საინფორმაციო სააგენტო ,,თაიმერის” მიერ გავრცელებული ინფორმაციის საფუძველზე, გარემოსდაცვითი ზედამხედველობის დეპარტამენტის, სამეგრელო-ზემო სვანეთის რეგიონული სამმართველოს თანამშრომლებმა, მარტვილის მუნიციპალიტეტის ლებარდეს საკურორტო ზონის მიმდებარე ტერიტორია დაათვალიერეს.

სამართალდარღვევები გამოვლინდა როგორც კურორტის შემოგარენში, ისე, კურორტამდე დაახლოებით 10 კილომეტრის დაშორებით.
უშუალოდ კურორტ ლებარდეს სატყეო უბანზე, გამოვლენილ იქნა ხე-ტყის უკანონოდ ჭრის ფაქტი – დაუდგენელი პირის (პირების) მიერ, უკანონოდ მოჭრილია 2 ძირი ნაძვის სახეობის ხე. ასევე, ადგილზე განთავსებული იყო ერთი ერთეული მოთხრილ-მოტეხილი სოჭის სახეობის ხე.
საკურორტო ზონამდე კი, დაფიქსირდა ფოთლოვანი და წიწვოვანი ჯიშის ხე-ტყის უკანონო ჭრის ფაქტი. ლებარდეს მიმდებარე ტერიტორიის დათვალიერება, ისევ გრძელდება.
გარემოსდაცვითი ზედამხედველობის დეპარტამენტის თანამშრომლებმა, შესაბამისი აქტი შეადგინეს. გარემოზე მიყენებული ზიანის დათვლის შემდეგ, მასალები, შემდგომი რეაგირებისთვის, შესაბამის უწყებებში გადაიგზავნება.

შეგახსენებთ, რომ რამდენიმე დღის წინ “თაიმერმა” ლებარდეში ხე-ტყის უკანონო ჭრის ვიდეომასალა გამოაქვეყნა.

ქეთი ფერაძე
ავტ.: ქეთი ფერაძე სექტემბერი 23, 2019 12:01

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,567
ვიზიტორი
დღეში
Powered By Google Analytics