ბრიტანეთის პრემიერ-მინისტრმა ტერესა მეიმ და აშშ-ს ახლადარჩეულმა პრეზიდენტმა დონალ ტრამპმა სატელეფონო დიალოგი გამართეს – ტელეკომპანია ITV ავრცელებს.
ზუსტდება, რომ საუბარი დღეს, დაახლოებით 14.00 საათზე შედგა.
სააგენტო Press Association-ის ინფორმაციით, საუბრის ფაქტი დაუნინგ სტრითის წყარომ დაადასტურა. დონალდ ტრამპმა ტერესა მეი თავისთან დაპატიჟა, “როგორც კი ამის საშუალება ექნება”.
საუბრის შესახებ ინფორმაციის ოფიციალური დადასტურება ჯერჯერობით არ მომხდარა.
