ტელეკომპანია „იმედი“ სოციოლოგიური კვლევის მორიგ შედეგებს ავრცელებს.
შედეგების მიხედვით, არჩევნებში სასურველი პარტიისთვის ხმის მიცემას აპირებს 59 % მათი ხმები კი, პარტიების მიხედვით ასე გადანაწილდა – „ქართული ოცნება“ – 36 % . „ერთიანი ნაციონალური მოძრაობა“ – 13 %, „თავისუფალი დემოკრატები“ – 4 %, „ლეიბორისტული პარტია“ – 3 %, „პაატა ბურჭულაძე სახელმწიფო ხალხისთვის“ – 2 %, „პატრიოტთა ალიანსი“ – 2 %, „ნინო ბურჯანაძე გაერთანებული დემოკრატიული მოძრაობა“ – 2 %,, სხვა პარტიები 2%, ჯერ გადაწყვეტილება არ მიუღია, ან უარს ამბობს პასუხზე 36%.
რაც შეეხება გადაუწყვეტელ ამომრჩეველს, მათი რაოდენობა, წინა კვლევასთან შედარებით, თითქმის 5 პროცენტით 41,3 -დან 36 %-მდე შემცირდა და ფაქტობრივად გაუტოლდა მმართველი გუნდის მხარდამჭერთა რიცხვს.
თუმცა, კვლევამ ასევე გაარკვია, ვისკენ, რომელი პარტიისკენ იხრებიან გადაუწყვეტელი ამომრჩევლები. მონაცემების ალოკაციისთვის ამ ადამიანებს დაუსვეს დამატებითი კითხვები, მონამცემები კი ასეთი – „ქართული ოცნება“ – 47 %, „ერთიანი ნაციონალური მოძრაობა“ – 18 %, „თავისუფალი დემოკრატები“ – 6 %, „ლეიბორისტული პარტია“ – 5 %, „პატრიოტთა ალიანსსა“ და“ პაატა ბურჭულაძის სახელმწიფო ხალხისთვის“ ორივეს – 4 % აქვს. ნინო ბურჯანაძის გაერთიანებული დემოკრატიული მოძრაობა – 2 %. სხვა პარტიები – 3 %. ამ შემთხვევაში გადაუწყვეტელი ამომრჩევლის რაოდენობა 11 % მდე ჩამოდის.
კვლევა კომპანია „ჯეი-პი-ემ სტრატეჯი სოლუშენმა“ 27-ი სექტემბრიდან 3 ოქტომბრამდე პერიოდში ჩაატარა. პირისპირ ინტერვიუს მეთოდით 1199-ი ადამიანი გამოიკითხა. ცდომილება 2,8%. საველე სამუშაო კომპანია „გორბიმ“ შეასრულა.