დღესასწაულებზე მუშაობის საგანგებო რეჟიმზე გადადის თბილისის საგანგებო სიტუაციათა სამსახური. მაშველები მზად არიან მოქალაქეებს საჭიროების შემთხვევაში დახმარება დაუყოვნებლივ აღმოუჩინონ. მაშველები თბილისელებს შუშხუნებისა და მაშხალების გამოყენებისას ინსტრუქციის დაცვას სთხოვენ და ყველას სიფრთხილისკენ მოუწოდებენ.
ანალოგიური განცხადებით დედაქალაქის მცხოვრებლებს მიმართა თბილისის მერმა დავით ნარმანიამაც. მისივე თქმით, თბილისის მთავრობამ უკვე მიიღო გადაწყვეტილება, რომლის საფუძველზეც ფეიერვერკების გამოყენებასთან დაკავშირებით რეგულაციები წესდება და სადღესასწაულო დღეების გარდა, დედაქალაქის ტერიტორიაზე ღამის საათებში ფეიერვერკის გამოყენება შეიზღუდება.