“ტალახაძემ პარლამენტში გვიჩვენა, რომ მისი ადგილი იქ არაა!”- სალომე ზურაბიშვილი

საქართველოს მეხუთე პრეზიდენტი სალომე ზურაბიშვილი პარლამენტში მომხდარ ჩხუბს გამოეხმაურა.

“ტალახაძემ პარლამენტში გვიჩვენა, რომ მისი ადგილი იქ არაა!”_ წერს სალომე ზურაბიშვილი სოციალურ ქსელში.

ინფორმაციისთვის, დაპირისპირება საკანონმდებლო ორგანოში პრემიერ-მინისტრ ირაკლი კობახიძის ყოველწლიური ანგარიშის მოსმენისას მოხდა. უმრავლესობის დეპუტატები გახარიას პარტიის ორ წევრს — გიგა ფარულავასა და გიორგი შარაშიძეს ფიზიკურად გაუსწორდნენ. მედიის კადრებში თავდამსხმელებს შორის არჩილ გორდულაძე, ლაშა ტალახაძე, ლევან მაჭავარიანი, ირაკლი კირცხალია და ირაკლი ხელაძე ფიქსირდებიან.