ტაივანის ეროვნული თავდაცვის სამინისტრო ჩინეთის საზღვართან გამართული მასშტაბური სამხედრო წვრთნების ვიდეოს აქვეყნებს, სადაც ამერიკული HIMARS-ის სისტემების გამოყენებაა ასახული.
მიუხედავად იმისა, რომ ტაივანს ეს სისტემები წარსულშიც გამოუცდია, მიმდინარე მანევრები სტრატეგიულად უპრეცედენტოა:
სამხედროებმა დასავლეთ სანაპიროსთან, რომელიც ჩინეთის სავარაუდო თავდასხმის მთავარ სამიზნედ მოიაზრება, 32 რაკეტა გაუშვეს.
წვრთნები პირდაპირ ტაივანის სრუტის მიმართულებით წარიმართა, რაც ოფიციალური პეკინისთვის თავდაცვისუნარიანობისა და სიმტკიცის დემონსტრირებას ისახავდა მიზნად.
ტაივანის სამხედრო ხელმძღვანელობის განცხადებით, ჩინეთიდან მომავალი მზარდი აგრესიის ფონზე, მოწინავე ამერიკული შეიარაღებით წვრთნები პერმანენტულ ხასიათს მიიღებს.
No soundtrack.
Just the sounds of the field.
And everything else.#ROCArmedForces#TOW #RT2000 #HIMARS pic.twitter.com/qMN2FpArX3— 國防部 Ministry of National Defense, ROC(Taiwan) 🇹🇼 (@MoNDefense) June 11, 2026
