რუსეთის ფედერაციაში ტაივანის წარმომადგენელობის ხელმძღვანელმა ანტონიო ჩენმა რუსულ გამომცემლობა “კომერსანტთან” ინტერვიუში განაცხადა, რომ ტაივანსა და რუსეთს შორის ურთიერთობის გაღრმავების ფარგლებში, ტაივანი მზად არის სამხრეთ ოსეთსა და აფხაზეთთან სავაჭრო-ეკონომიკური და კულტურული ურთიერთობები გააღრმავოს.
ჟურნალისტის შეკითხვას -“ აღიარებს თუ არა ტაივანი აფხაზეთის და სამხრეთ ოსეთის დამოუკიდებლობას“, ანტონიო ჩენმა ასეთი პასუხი გასცა: „თვითგამოცხადებული რესპუბლიკების პოლიტიკური სტატუსის შესახებ მოლაპარაკებები რუსეთსა და ტაივანს შორის ჯერჯერობით არ გამართულა“.
შეგახსენებთ, ტაივანის პროვინცია დიდი ხანია ცდილობს გამოვიდეს ჩინეთის შემადგენლობიდან.
