მესტია-ჯვარი-ზუგდიდის დამაკავშირებელი ცენტრალური მაგისტრალი გახსნილია. ავტომობილების მოძრაობა დაახლოებით ღამის 11 საათზე განახლდა.
რამდენიმე საათიანი მოლაპარაკების შემდეგ აქციის მონაწილეებთან შეთანხმება შედგა და აქცია დაიშალა. როგორც ადგილობრივები აცხადებენ, ერთ კვირაში სვანეთში სპეციალურ კომისიას ელოდებიან, რომლებიც ადგილობრივ მოსახლეობასთან ერთად არსებულ პრობლემებზე იმსჯელებენ.მათივე განცხადებით, გაითვალისწინეს სვანეთში ხვალ კვირიკობის დღესასწაულია და გზა სწორედ ამიტომ გაიხსნა.
ფინანსთა სამინისტროს საგამოძიებო სამსახური ჭუბერსა და ხაიშში ხე-ტყის უკანონო მოჭრის საქმეზე მიმდინარე გამოძიების ფარგლებში შევიდა, რასაც ადგილობრივების პროტესტი მოჰყვა. ადგილზე სპეცრაზმის შეყვანა გახდა საჭირო.