სუსი უნდა დაიხუროს – რომან გოცირიძე

region
ავტ.: region ოქტომბერი 17, 2019 15:50

სუსი უნდა დაიხუროს – რომან გოცირიძე

პარლამენტმა სახელმწიფო უსაფრთხოების სამსახურის ხელმძღვანელის პოსტზე გრიგოლ ლილუაშვილი დაამტკიცა. ოპოზიციამ და დამოუკიდებელმა დეპუტატებმა, ლილუაშვილის კანდიდატურის პროტესტის ნიშნად, კენჭისყრაში მონაწილეობა არ მიიღეს.

პარლამენტის ფრაქცია “ნაციონალური მოძრაობის” თავმჯდომარე რომან გოცირიძე თვლის, რომ სუსი ამ ფორმით საერთოდ არ უნდა არსებობდეს, რადგან ის “ქართული ოცნების” საარჩევნო შტაბის ძალოვან ნაწილად იქცა.

“ასეთი ფორმით სუსი საერთოდ არ უნდა არსებობდეს, უნდა დაიხუროს. 100 მილიონზე მეტი აქვს ბიუჯეტი და მთელი მისი ადმინისტრაციული, ფინანსური და საკადრო რესურსები მიმართულია პოლიტიკური ოპონენტების დევნისკენ. სუსი დღეს არის “ქართული ოცნების” საარჩევნო შტაბის ძალოვანი ნაწილი, აღრიცხვაზე ჰყავს ყველა ადამიანი, ვინც ოპოზიციას აძლევს ხმას. შემდეგ მიდის დაშინება, მოსყიდვა, ნათესავების მიგზავნა, სამსახურიდან გაგზავნის მუქარა და რაც კი რამე საქართველოში შეიძლება გამოიყენოს ადამიანმა, ყველაფერი ეს ხდება საარჩევნოდ,” – განაცხადა რომან გოცირიძემ.

შეგახსენებთ,პარლამენტმა სახელმწიფო უსაფრთხოების სამსახურის ხელმძღვანელის პოსტზე გრიგოლ ლილუაშვილი 85 ხმით 8-ის წინააღმდეგ დაამტკიცა.

region
ავტ.: region ოქტომბერი 17, 2019 15:50

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


10,373
ვიზიტორი
დღეში
Powered By Google Analytics