სახელმწიფო უსაფრთხოების სამსახურთან შეკრებილი ახალგაზრდები პანკისის ხეობაში მოკლული თემირლან მაჩალიკაშვილის საქმის გამოძიებას ითხოვენ.
ახალგაზრდები უწყებასთას ბანერებით და პლაკატებით მივიდნენ. მათი მთავარი მოთხოვნაა, მოხდეს საქმის ობიექტური გამოძიება და საგამოძიებო უწყებებმა დამნაშავეებს ხელი არ დააფარონ.
დღეს პანკისის ხეობაში ჩატარებული სპეცოპერაციიდან და თემირლან მაჩალიკაშვილის მკვლელობიდან ერთი წელი გავიდა. შვილმოკლული მამა მალხაზ მაჩალიკაშვილი დღეს, 15:00 საათზე, დედაქალაქის მთავარ გამზირზე მდუმარე აქციას გამართავს.