სუს-ში გიორგი კანდელაკიც დაიბარეს – საუბარია მკვლევარზე, რომელმაც ჰადსონისს ინსტიტუტთან ერთად მოამზადა დასკვნა იმის შესახებ, თუ როგორ იზრდება რეგიონში ირანული გავლენები.
ტვ პირველის ინფორმაციით, მანამდე ასევე გუბაზ სანიკიძესაც და თინა ხიდაშელსაც დაურეკეს. არსებული ინფორმაციით, პოლიტიკოსებთან კითხვები მედიაში გაკეთებული განცხადებების შესახებ აქვთ.
სახელმწიფო უსაფრთხოების სამსახურში დღეს თქვეს, რომ საჯაროდ გაკეთებულ განცხადებებზე გამოძიება აქვთ დაწყებული.
სუს-ის მიერ გამოძიების დაწყებას წინ უძღოდა წინა დღეებში “ოცნების” ლიდერების განცხადებები. კახა კალაძემ საგამოძიებო უწყებებს მოუწოდა თინა ხიდაშელის, გიორგი კანდელაკის და ეკა გიაურის კვლევებით დაინტერესებულიყო.
