სუს – რუსული ვერტმფრენის მიერ საქართველოს საჰაერო სივრცის დარღვევა არის მორიგი პროვოკაციული ქმედება

region
ავტ.: region აგვისტო 21, 2019 13:53

სუს – რუსული ვერტმფრენის მიერ საქართველოს საჰაერო სივრცის დარღვევა არის მორიგი პროვოკაციული ქმედება

სახელმწიფო უსაფრთხოების სამსახური (სუს) რუსული საფრენი აპარატის მიერ საქართველოს საჰაერო სივრცის დარღვევას ადასტურებს.

სუს-ის შეფასებით, ეს არის მორიგი პროვოკაციული ქმედება.

„ფაქტზე გააქტიურებული იქნა ცხელი ხაზი, ინფორმირებულია ევროკავშირის სადამკვირვებლო მისია. ეს არის მორიგი პროვოკაციული ქმედება, რომელიც უკიდურესად აზიანებს ადგილზე არსებულ უსაფრთხოების გარემოს“, – აცხადებენ საქართველოს სახელმწიფო უსაფრთხოების სამსახურში.

დღეს რუსულმა ვერტმფრენმა დაახლოებით, 12:00 საათისთვის სოფელ გუგუტიანთკარის ახლოს, მიმდებარე ოკუპირებულ ტერიტორიაზე გადაიფრინა. ოკუპირებული ტერიტორიის თავზე ვერტმფრენი რამდენიმე წუთის განმავლობაში დაფრინავდა.

გორის რაიონის სოფელ გუგუტიანთკარში, ოკუპირებულ დისევთან საოკუპაციო ძალების წარმომადგენლებმა ბოძების მონტაჟი დღეს დილიდან განაახლეს. რუს სამხედროებს ადგილზე მიყვანილი ჰყავთ სპეციალური ტექნიკა. ამასთან, გუგუტიანთკარში საოკუპაციო ხაზის გასწვრივ, რუსი ოკუპანტების ვერტმფრენმაც გადაიფრინა.

region
ავტ.: region აგვისტო 21, 2019 13:53

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,774
ვიზიტორი
დღეში
Powered By Google Analytics