ოკუპირებულ ცხინვალში გარდაცვლილი არჩილ ტატუნაშვილის ცხედრის გადმოსვენებისა და დაკავებულების – ლევან ქუტაშვილის და იოსებ პავლიაშვილის ცენტრალური ხელისუფლების მიერ კონტროლირებად ტერიტორიაზე უმოკლედ ვადაში გადმოსვლის საკითხებს, ინციდენტების პრევენციის და მათზე რეაგირების მექანიზმის (IPRM) არაგეგმიურ შეხვედრაზე განიხილავენ.
როგორც პირველ არხს სახელმწიფო უსაფრთხოების სამსახურიდან აცნობეს, ინციდენტების პრევენციის და მათზე რეაგირების მექანიზმის (IPRM) მონაწილეების არაგეგმიური შეხვედრა სახელმწიფო უსაფრთხოების სამსახურის მოთხოვნით ჩაინიშნა. შეხვედრა 15:00 საათზე დაიწყება.
