ISIS-ის ქართული დაჯგუფების მუქარისშემცველი ვიდეოს გავრცელებაზე სუს-ში გამოძიება მიმდინარეობს. როგორც ჟურნალისტებს სახელმწიფო უსაფრთხოების სამსახურში განუცხადეს, ამ ეტაპზე საქმეზე შესაბამისი საგამოძიებო მოქმდებები ტარდება.
„აღნიშნული ვიდეოს შესახებ სახელმწიფო უსაფრთხოების სამსახურისთვის ცნობილი იყო და მიმდინარეობს საგამოძიებო მოქმედებები“, – განაცხადეს სუს-ში.
ISIS-ის ქართული დაჯგუფება მუქარის შემცვლელ ვიდეო გავრცელდა. ვიდეოს თან ახლავს ქართული ტიტრები, სადაც დაჯგუფება საქართველოს ხელისუფლებას შერისძიებით ემუქრება. „პალიტრანიუსის“ ინფორმაციით, ვიდეო სავარაუდოდ 2 კვირის წინაა დამზადებული.
„ორი ძმა მოგვიკალით (დაგვიწვით) არაფრის გულისთვის! სულ მალე მიიღებთ ამისთვის სასჯელს ო ურჯულოებო! გეშინოდეთ ჩენი… გაუჩინარებული მაგამედოვი!! სიახ, ჩვენ გვახსოვს ეს ყველაფერი… გაბრიელ სალოსის სპეც ოპერაცია!!! აქაც დაგვიხოცეთ ძმები ღალატით და მოტყუებით. ინშა ალლაჰ ჩვენი მეომრები მზად არიან შურისძიებისთვის“, – ნათქვამია ვიდეომიმართვაში.
ერთ-ერთი ვერსიით ტერორიზმის საქმეზე, იარაღის უკანონოდ შეძენა-შენახვის ბრალდებით, სუს-ის მიერ დაკავებული საქართველოს მოქალაქე მალხაზ ტ, რომლის აყვანის შესახებ ინფორმაცია დღეს გავრცელდა, ზემოხსენებულ დაჯგუფებასთანაა კავშირში.
