რამდენიმე წუთის წინ, ლიონი – სტამბული – თბილისის რეისით კონტროლის პალატის ყოფილი თავმჯდომარე სულხან მოლაშვილი თბილისში ჩამოასვენეს. ცხედრის გადმოსვენებას აეროპორტში ოჯახის წევრები, პოლიტიკოსები და ცნობილი სახეები ესწრებოდნენ.
პანაშვიდი 3, 4 და 5 ივლისს გაიმართება. სულხან მოლაშვილს ვაკე-საბურთალოს სასაფლაოზე დაკრძალავენ.
შეგახსენებთ, სულხან მოლაშვილი 29 ივნისს გარდაიცვალა საფრანგეთში, სადაც ერთ-ერთ კლინიკაში მკურნალობას გადიოდა ჯანმრთელობის გაუარესების გამო.