ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის სოზარ სუბარის განცხადებით, მარნეულში „ქართული ოცნების“ მაჟორიტარი დეპუტატობის კანდიდატმა თამაზ ნავერიანმა 60-70%-ით მეტი ხმა მიიღო, ვიდრე „ნაციონალური მოძრაობის“ კანდიდატმა აჰმედ იმამყულიევმა.
სუბარის თქმით, გამარჯვება ისედაც გარანტირებული იყო.
„უბნების უმრავლესობა დათვლილია და პირველადი მონაცემები ცნობილია. დაახლოებით ორჯერ მეტი, 60-70%-ით ვიგებთ. ასეთია შედეგი. შესაბამისად, გამარჯვება გარანტირებულია. ეს ისედაც ვიცოდით, მაგრამ სულ სხვაა, როდესაც ხელში გიჭირავს ფურცლები, შემაჯამებელი ოქმების ასლები“, – განაცხადა სოზარ სუბარმა.
