ნატოს გენერალური მდივნის იენს სტოლტენბერგის განცხადებით, უკრაინის მხარდაჭერა იქნება ყველაზე გადაუდებელი პრიორიტეტი მომავალ კვირას აშშ-ში ნატოს სამიტზე.
„ველოდები, რომ სახელმწიფოთა და მთავრობების მეთაურები შეთანხმდებიან უკრაინისთვის მნიშვნელოვან პაკეტზე “, – განაცხადა სტოლტენბერგმა.
სტოლტენბერგს მოლოდინი აქვს, რომ მოკავშირეები უკრაინას უფრო მეტ მყისიერ სამხედრო დახმარებას გაუწევენ.
კერძოდ: უსაფრთხოების ორმხრივი შეთანხმებები და გაძლიერებული სამხედრო თავსებადობა.
სტოლტენბერგმა დასძინა, რომ ყველა ეს ელემენტი წარმოადგენს ნატოში გაწევრიანების ხიდს.
„უკრაინა უახლოვდება ნატოს,” – ხაზგასმით აღნიშნა სტოლტენბერგმა.
ნატოს სამიტი
შეგახსენებთ, რომ 9-11 ივლისს, ვაშინგტონში ნატოს სამიტი გაიმართება.
მანამდე უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინა სამიტზე უსაფრთხოების კიდევ ერთ შეთანხმებას მოაწერს ხელს.
